As expectativas dos principais partidos en Valdeorras son optimistas, fontes do PsdG-PSOE en Ourense dan por seguro o 5º deputado, e non descartan o sexto en función do comportamento do Partido Popular, ao que segundo as súas enquisas quédalle aínda bastante percorrido no seu descenso. As mesmas fontes confían en superar en votos ao Partido Popular na poboación de O Barco, separados ambos por pouco máis de 200 sufráxios.
No Partido Popular parece que as augas volven á súa canle logo das esperanzas postas por algúns sectores, na inclusión dalgún candidato da comarca, con posibilidades nas listas pola provincia, operación frustrada ao parecer, polos movementos de última hora do sector afín a Núñez Feijóo.
O Bloque pola súa banda, confía en aumentar os seus resultados tanto en Valdeorras, como no conxunto da provincia, esperando sumar un escano máis aos actuais.
Entradas
No hay comentarios:
Publicar un comentario